SI TË MËSOJMË ANGLISHT, GJERMANISHT APO ÇDO GJUHË TJETËR?

-       

          Po ju marr një shembull dhe dua përgjigjen tuaj në lidhje me këtë edhe pse ndoshta do kem edhe shumë kundërshtime:

Një fëmijë pasi lind, sa vite i duhen mesatarisht që të fillojë të flasi? 1, 2, 3?

Po kur fillon të flasi sa kohë i duhet që të filloje t’i thotë fjalitë e plota apo të sakta gramatikisht? 1, 2, 3 vite?

Po pasi ka filluar të flasi rrjedhshëm, pas sa vitesh fillon të mësojë lexim e këndim në shkollë?

Si ia kanë dalë gjithë ata emigrantë që kanë shkuar në një vend të huaj pa ditur çfarë është “folja”, “emri,” apo “përemri”? Dhe si ka mundësi që unë pa bërë anjë ditë kurs apo shkollë në gjuhën italiane, spanjolle, portugeze apo franceze arrij t’i kuptoj dhe t’i flas deri diku mirë këto gjuhë?!

Besoj se nga kjo mund të nxjerrim një përfundim shumë të rëndësishëm: Komunikimi & gramatika nuk janë të lidhur njëra me tjetrën. Fillimisht, sepse janë fenomene të ndryshme dhe së dyti sepse në mënyrë që të bëhemi të mirë në diçka duhet të përqëndrohemi vetëm tek ajo dhe të tjerat t’i lemë në vend të dytë.

https://www.youtube.com/watch?v=Wn_eBrIDUuc&t=148s

Por cila prej tyre është më e rëndësishme: gramatika apo komunikimi?

Unë do thosha që të dyja kanë rëndësinë përkatëse në bazë të asaj që i duhet secilit prej jush: për shembull, nëse një personi i duhet të marri provimin e gjuhës sigurisht që do i japi më shumë rëndësi gramatikës. Dikush që perdor emailin në punë, apo që shkruan shpesh do përqëndrohet tek shkrimi i gjuhës së huaj. Por një person që komunikon me të huaj apo udhëton duhet të përqëndrohet tek komunikimi.

Në këtë rast më vjen ndërmend një shprehje: Nëse nuk do të bëhesh studiues i asaj gjuhe, është më mirë atëherë ta flasesh, qoftë edhe me gabime, sesa të dish të gjitha rregullat gramatikore dhe të mos jesh në gjendje të bësh një bashkëbisedim për më tepër se 2 minuta.

Ja disa rikujtesa që mund të nxirrni nga blogu i sotëm:

       1.     Kuptojeni që nuk do jeni asnjëherë perfekt në të 4 aftësitë e gjuhës, prandaj duhet të përqëndroheni njëherë tek njëra, pastaj tek tjetra: komunikimi, leximi, shkrimi apo dëgjimi.

       2.     Gramatika dhe komunikimi janë aftësi të ndara nga njëra- tjetra, ata që janë shumë të mirë në gramatikë shpesh nuk arrijnë dot të komunikojnë dhe anasjelltas

       3.     Ju duhet kontakt i vazhduar me gjuhën në mos i përditshëm, mos prisni ta mesoni atë vetëm me 1 ose 2 orë në javë.

       4.     Dëgjoni, shikoni dhe lexoni informacione që ju pëlqejnë, që janë të shkurta dhe ju argëtojnë. Siç janë postimet në rrjete sociale, video në youtube, këngë, etj

       5.     E fundit: ne mbajmë mend vetëm 10% të asaj që lexojmë dhe 90% të asaj që bëjmë- prandaj të folurit me një person tjetër qoftë mësuesja, një shok, koleg apo familjar është shumë element i rëndësishëm që gjuha e huaj të bëhet pjesë e përditshmërisë tuaj.